Іс-шараның мақсаты – жасөспірімдердің рухани дүниетанымын кеңейту, әртүрлі діндер мен конфессиялар туралы дұрыс түсінік қалыптастыру, толеранттылық пен өзара құрмет сезімін дамыту.

Кездесу барысында оқушылар Қазақстанда тіркелген конфессиялардың саны мен ерекшеліктері туралы мәлімет алып, дін саласына қатысты өмірлік жағдайлар мен сұрақтарды талқылады. Әңгіме еркін форматта өтті, әр қатысушы өз ойын ашық білдіріп, пікір алмасуға мүмкіндік алды.

Осындай кездесулер оқушылардың мәдени және рухани сауаттылығын арттырып, қоғамдағы бейбітшілік пен келісім құндылықтарын дәріптеуге көмектеседі.